بے نام

آج اپنی بیٹی کے  IELTS کے اسپیکنگ ٹسٹ کے لیے  برٹش کونسل جانا ہوا تو مقامی معاشرے کے تیزی سے بدلتے خدوخال کا ایک اور مظاہرہ دیکھنے میں آیا، مجھے اور میری بیوی کو تقریبًا ایک ڈیڑھ گھنٹہ وہاں بیٹھنا پڑا اس دوران ایک بات نوٹ کی کہ صرف تین لڑکے امتحان دینے کے لیے آئے اور باقی تیس سے پینتیس لڑکیاں تھیں ان میں ‌سے چند کو چھوڑ کر سب ہی قطری تھیں اور لڑکوں میں ایک قطری، ایک مصری اور تیسرا فلپائنی۔ تعلیم بلکہ اعلیٰ تعلیم کے لیے یہ سب تیاریاں ہیں۔ دفاتر اور تجارتی مراکز میں تو ویسے ہی مقامی خواتین کی اکثریت دکھائی دیتی ہے۔ قطر کی خواتین  ثابت کر رہی ہیں کہ قابلیت اور صحتمند مقابلے میں وہ پیچھے نہیں رہنے والیں۔
بیٹھے بیٹھے انسائیکلو پیڈیا برٹانیکا کی ورق گردانی کرتے ہوئے میری نگاہ“ پشاور“ پر رک گئی آپ بھی پڑھیے (جن کا حال اور مستقبل واضح نا ہو ان سے ماضی میں زندہ رہنے کا حق تو کوئی نہیں چھین سکتا)